41,90 € TTC
50 cl
/ 57% vol
Opyos Navy Strength Gin gëtt duerch d’Bäimësche vun enger zousätzlecher Portioun u Wakelterfriichten an eis klassesch Dry Gin-Rezeptur hiergestallt a mat engem méi héijen Alkoholgehalt ofgefëllt, fir déi gesamt Aromatik vum Wakelter ze erfaassen. Produzéiert a klenge Chargë kombinéiert den Opyos Navy Strength Gin eisen eenzegaartege botanesche Bouquet mat enger vollmundeger Palette u Wakeltergoût, déi duerch häerzhaft Noute vu Kifernolen sou wéi wierzeg Zitrusnouten ausbalancéiert ginn, wärend e gläichzäiteg eng frësch Wäermt stimuléiert.
D’Iddie, een Navy Strength Gin hierzestellen, koum eis an de Sënn, wéi mir eis eng zimlech einfach Fro gestalt hunn: „Wéi géing eisen Dry Gin schmaachen, wa mir den Undeel u Wakelter drastesch erhéijen géingen?“, vue dass de Wakelter net esou markant ass, wéi dat bei engem klasseschen Dry Gin de Fall ass (dofir och den Numm Luxembourg Dry Gin). D’Experimentéiere mat der kontinuéierlecher Erhéijung vun der Quantitéit u Wakelter huet säi Laf geholl an déi éischt interessant Erkenntnisser iwwert d’Verännerung an d’Entwécklung vun eisem Gin konnten an Erfarung bruecht ginn. Nodeems mir festgestallt hunn, dass déi zousätzlech Portioun u Wakelter besonnesch gutt zu engem méi héijen Alkoholgehalt passt, hu mir eis dofir entscheet, doraus een Navy Strength Gin ze maachen.
Opyos Navy Strength Gin gëtt duerch d’Bäimësche vun enger zousätzlecher Portioun un Wakelterfriichten an eis klassesch Dry Gin-Rezeptur hiergestallt, esou wéi mat engem méi héijen Alkoholgehalt ofgefëllt, fir déi gesamt Aromatik vum Wakelter ze erfaassen. Wéi ëmmer gëtt och dëse Produit a klenge Chargë produzéiert a kombinéiert eisen eenzegaartege botanesche Bouquet mat enger vollmundeger Palette u Wakeltergoût, déi duerch häerzhaft Noute vu Piniennolen sou wéi wierzeg Zitrusnouten ausbalancéiert ginn, wärend e gläichzäiteg eng frësch Wäermt stimuléiert.
Kräfteg Wakelterfriichten an den Doft vun engem Nolebësch no engem Reen hiewe sech mat Nodrock ervir. Uschléissend ronnen Hunnegnouten a frësch Zitrusdëft déi éischt Andréck vun eisem Navy Strength Gin of.
Déi onverkennbar Aromaen um Gomme sinn nach méi komplex wéi déi olfaktoresch Andréck. Déi vum Wakelter geleeten Aromae ginn duerch rout Friichte wéi Spackelter a Päerdsbier, verstäerkt, ergänzt duerch eng Holznout an ofgerënnt duerch de Charakter vun eisem klasseschen Dry Gin.
Räich un Aromaen, déifgräifend an iwwerraschend douce.
De richtegen Gin-Enthusiast genéisst eisen Opyos Navy Strength Gin am beschte pur oder op Äis. Wann Dir iech fir ee klassesche G&T entscheet an trotzdeem d’Wakelter-Betounung wënscht, da mëscht 4 cl Navy Strength Gin mat 20 cl Imperdibile Wild Botanical Tonic Water. Anerefalls probéiert eise Gimlet oder ee perfekt balancéierten Dry Martini.