D’Iddie fir den Opyos Apple Quince Gin Liqueur entstoung spontan bei der Hierstellung vun eisem saisonalen Opyos Glühgin. Fir dëse wanterleche Produit brauche mir de Just vun den handgepléckten Äppel aus den traditionelle Bongerten ëm den Eck. Gepresst ginn d’Friichten am Nopeschduerf bei der Eppelpress, wou nierwend dem Jus och Äppeltrester ufält. Fir d’Produktioun vun eisem Glühgin een Offallproduit, spillt den Trester bei eiser neier Kreatioun eng zentral Roll.
Iwwert puer Méint hu mir den Äppeltrester an eisem Dry Gin mazeréiert, befiert dësen erausgeholl an d’Joer drop mat Quiddejus vermëscht gouf. Nodeems sech all d’Arome matenee bestuet hunn, gëtt dem Opyos Apple Quince Gin Liqueur Rouerzocker bäigemëscht, befiert e mat 26% vol an d’Fläsche gefëllt gëtt.
D’Nues ass gepräägt mat kräftegen Arome vun zeidege gielen Äppel esou wéi vu fruuchtegen Notte vum frësche Quiddejus. Dono kommen d’Zitrusnouten an déi fir eisen Opyos Luxembourg Dry Gin charakteristesch Wierz.
Eng wonnerbar Spigelung vun den olfaktoreschen Andréck, kombinéiert mat enger séisser sametteger Textur. D’Séier vun den Äppel leet sech iwwert d’Zong, reegt de Späichelfloss un a léisst déi fruuchteg sou wéi frësch Arome vun de Quidden zum Virschäi kommen, gefollegt vu liicht wierzegen Notten.
Bemierkenswäert Intensitéit, déi sech duerch séiss a liicht Taninner vum Äppeltrester gekennzeechent ass. Déi subtil Batterstoffer vum Trester triede lues a lues an den Hannergrond, ginn den Zitrusnoute vum Dry Gin de Raum sech ze entfalen a gi vun de wierzegen Aromen ofgerënnt.
Den Opyos Apple Quince Gin Liqueur ass entwéckelt gi fir bei all Occasioun ze passen. Wann Dir e klassesche G&T wëllt, mëscht 5cl Apple Quince Gin Liqueur mat Imperdibile Wild Botanical Tonic. Den Amateur vun engem liicht schäerfen Aperitif, kann en och mat Imperdibile Ginger Beer mëschen. Als Digestif gëtt en am beschte bei Zëmmertemperatur oder op Äis genoss. Cheers!
38,90 € TTC
50 cl
/ 26% vol
Den Opyos Apple Quince Gin Liqueur entsteet duerch d’Mazeratioun vun Äppeltrester a frësch gepresstem Quiddejus an eisem klasseschen Dry Gin. Déi op der Hand gepléckten Äppel a Quidden, déi aus traditionelle Bongerten ëm den Eck kommen, ginn an der Eppelpress gepresst, wou zwee verschidde Produiten ufalen: Tester a Jus. Den Äppeltrester mazeréiert iwwert puer Méint an eisem Dry Gin, befiert en mat Quiddejus a Rouerzocker gemëscht gëtt. D’Resultat ass eng wonnerbar ausbalancéiert Palette un Aromen, déi sech duerch gëlleg räif Quiddennotten, a Kombinatioun mam séissen a sauere Geschmaach vun Äppel auszeechent.
