Opyos gëtt an enger traditioneller kofferner Brennanlag destilléiert. Dës Method erméiglecht et eis, eis lokal ugesidelt Inhaltsstoffer wärend dem Distillatiounsprozess vollstänneg zum Ausdrock ze bréngen. Fir d’Distillatioun vun eisem Gin brauche mir als éischt e Grondalkohol. Heifir verwende mir e neutralen Alkohol vun 96 % vol. Dësen ass komplett gerochs- a geschmaachsneutral, genau dat, wat mir brauchen, fir eis individuell Aromaen wärend der Distillatioun ze erhalen. Mir fëllen dësen Alkohol a Behälter, an deenen iwwer Nuecht een Deel vun eiser akribesch ausbalancéierter Botanicals-Mëschung mazeréiert gëtt. Op dës Weis hunn déi ënnerschiddlech Uelescher, Essenzen an Aromen genuch Zäit, fir sech z’entwéckelen. Den déifgräifende Geschmaach an de liewege Kierper vum finale Produit sinn op déi iwwerduerchschnëttlech Quantitéit vun den an der Mazeratioun verwennten Inhaltsstoffer zréckzeféieren.

D’Destillatioun ass d’Häerzstéck vum Prozess. D’Mazerat erwiermt sech lues op Siedetemperatur an den éischten Alkoholdamp klëmmt d’Brennkolonn erop a reagéiert mam Koffer. Op dëser Platz leeë mir Wäert op eng lues Destillatioun. Dëst dauert zwar méi laang, stellt awer ee kléngen, mee feinen Detail vun eisem Produktiounsprozess duer, den Dir spéider net nëmmen am Aromaprofil, mee och am Mondgefill vun eisem Gin erliewe wäert. No der Destillatioun ass den Gin gestresst a brauch e bëssen Rou. Am Duerchschnëtt huet hien elo 86 % vol a kritt insgesamt aacht Wochen, fir seng verschidden Aromaen ze vereenen an ee Ganzt ze bilden. De letzte Schrëtt virum Offëllen an d’Zougab vun entmineraliséiertem Waasser, fir den Gin op eis Drénkstärkt vun 44 % vol ze reduzéieren.

Dank sengem balancéierte Goût an dem agreabele Mondgefill léisst sech Opyos Luxembourg Dry Gin pur oder mat Eis genéissen. Wann Dir Iech awer fir ee klasseschen G&T entscheet, recommandéiere mir Iech ee mediterranen Tonic, den dat komplext Aromaprofil ofrënnt.